жм, 13/10/2017 - 16:47
Мәртөк аудандық соты азамат К.-ға қатысты Қазақстан Республикасы Әкімшілік құқық бұзушылық кодексінің 73-бабының 1-бөлігімен әкімшілік іс қарады.
Сотта анықталғандай, азамат К., өз үйінде тұрмыстық ұрыс-керістің барысында жұбайына былапыт сөйлеп, сыйламаушылық білдіріп, тұрғын үйде тыныштықты бұзған.
Сот отырысында азамат К., жұбайына былапыт сөйлегені жөнінде өз кінәсін мойындап, өкінді.
Сотта, жұбайы құқық бұзушылықтың мән-жайларын растап, құқық бұзушымен татуласуына байланысты, азамат К.-ға қатысты әкімшілік істі тоқтатуды сұрады.
Сот қаулысымен, азамат К.-ға қатысты Қазақстан Республикасы Әкімшілік құқық бұзушылық кодексінің 73-бабының 1-бөлігімен әкімшілік құқық бұзушылық туралы іс бойынша тараптардың татуласуына байланысты іс жүргізу тоқтатылды.
Қаулы заңды күшіне енген жоқ.