Архив событий

Ақтөбе облыстық сотында судьялардың кезекті жалпы отырысы өтті, іс шара барысында ҚР Президентінің 20 қазан 2017 жылғы №564  Жарлығымен қайта тағайындалған аудандық соттың төрағалары мен судьялары таныстырылды. 

Тасымбетов Сейфулла Закарияұлы – Ақтөбе қаласының №2 сотының төрағасы қызметіне тағайындалды, сот жүйесіндегі еңбек жолын 2005 жылы Темір аудандық сотының судьясы қызметінен бастаған, сонымен қатар Әйтеке би, Мұғалжар аудандық соттарының төрағасы қызметтерін атқарған.

Шалқар аудандық сотының жетекші маманы А.Шекенова «Сот жүйесінде ақпараттық технологияларды қолдану» тақырыбында Шалқар аудандық мәдениет және тілдерді дамыту бөлімінде кездесу өткізді.

Кездесу барысында А.Шекенова «Сот кабинеті» ақпараттық сервисі туралы түсіндірме жасап оның жаңа ақпараттық сервисі мобильдіқ қосымшасы іске қосылғанын және оны ұялы телефонға қондыруға қол жетімді болғанын айтып өтті.

Ақтөбе облысы Шалқар аудандық соты Б. және Д.-ға қатысты Қазақстан Республикасының әкімшілік құқық бұзушылық туралы Кодексінің 653-бабының 1-бөлігімен сотты құрметтемеушілік белгілері бойынша 2 әкімшілік іс қарады.

Құқық бұзушылар Е.-ге қатысты қылмыстық іске сот отырысының болатын орны мен уақытын біле тұра, ешқандай себепсіз сот отырысына келмей, салдарынан сотқа қатысушылардың наразылықтарын тудырып, сот отырысын кейінге қалдыруға, сотта аталған күнге тағайындалған істерді қарауға кедергі келтірді.