Мәдениет қайраткерімен кездесу

Шалқар аудандық сотында мәдениет қайраткері К.Жанабергеновамен   кездесу өткізілді.

Кездесуде Шалқар аудандық сотының төрағасы міндетін атқарушы С.Дәріқұлова  Мемлекет басшысының «Болашаққа бағдар: рухани жаңғыру» атты бағдарламалық мақаласының негізгі ережелерін түсіндірді. 

Сот төрағасы м.а С.Дәріқұлова өскелең ұрпақтың рухани-мәдени білімін арттыру мақсатында кездесулер, дөңгелек үстелдер ұйымдастыру, билерді, қазақ зиялыларын, мәдениет және өнер қайраткерлерін еске алу кештерін өткізу, мұрағаттар, музеймен және кітапханалармен байланыс жасауды, сонымен қатар, тарихи-танымдық байқаулар жоспарланып соттармен  өткізу көзделгенін  айтып өтті.

Сонымен қатар сот төрағасы міндетін атқарушы С.Дәріқұлова мәдениет қайраткері К.Жанабергенованы  тарихи тұлғалардың соның ішінде, алаш орда қайраткерлер, билер, ақын-жазушылар есімдерін жаңғырту, ұрпақ жадында мәңгі қалдыру мақсатында әкімшілік-географиялық нысандарды белгілеп, олардың есімдерімен атауға ат салысуға шақырды.

Кездесу соңында,  К.Жанабергенова сот ұжымына  кездесуді ұйымдастырғаны үшін алғысын білдіріп, кездесудің маңыздылығына тоқталып Елбасының мақаласындағы тапсырмаларды орындауда ат салысатынын айтып өтті.