Архив событий

Ақтөбе облысы Мұғалжар аудандық сотында Қазақстан Республикасының  ӘҚБтК-нің 517-бабының 2-бөлігімен азамат С-қа қатысты әкімшілік іс қаралды.

Істің мән-жайына сәйкес, азамат С. 2015 жылдың 11 наурызында №382 «УФА-Ташкент» жолаушылар поезының 11 вагонында, Қазақстан Республикасының аумағы арқылы транзиттік жол жүру қағидаларын бұзған.

Сот, құқық бұзушылықтың сипатын, қоғамға қауіптілігін ескеріп, оған 5 тәулікке әкімшілік қамау әкімшілік жазасы тағайындады.

Қаулы заңды күшіне енген жоқ.

2015 жылдың 11 наурызында Хромтау аудандық сотының төрағасы А.Мұқанов, кеңсе меңгерушісі А.Таргенова, Хромтау ауданы бойынша аға сот орындаушысы А.Болатпаев, Хромтау ауданы прокурорының көмекшісі А.Есетованың қатысуымен «2012-2014 жылдар аралығында атқаруға жолдаған сот актілерін орындамауы» тақырыбына дөңгелек үстел өткізілді.

Іс-шара барысында қылмыстық және азаматтық істер бойынша сот актілері мен әкімшілік істер бойынша қаулылары орындындалмағанды жөнінде сұрақтар талқыланды.

Байғанин аудандық сотында 2015 жылдың 12 наурызында сот жүйесінің имиджін көтеру, жариялылықты арттыру, заңнамаларды құқықтық насихаттау мақсатында «Қазақстан Республикасының Қылмыстық-процестік Кодексіне сәйкес тергеу судьясының өкілеттіктері» тақырыбында баспасөз мәслихаты өтті.

Баспасөз мәслихатына Байғанин аудандық «Жем-Сағыз» қоғамдық-саяси газетінің редакторы Ұ.Қ.Қадір қатысып, өзекті тақырыптар бойынша сұрақтар қойды. Қойылған сұрақтарға аудандық сот төрағасы Ж.Б.Қуанышев жауап берді.

Жаңа қылмыстық кодекстің ерекшеліктерінің бірі – процестік келісім ұғымының енгізілуінде. Қазақстан Республикасының Қылмыстық кодексінің 67-бабының талабына сәйкес, процестік келісімнің барлық талаптарын орындаған адам қылмыстық жауаптылықтан босатылуы мүмкін. Сонымен қатар Қазқстан Республикасының Қылмыстық кодексінің 68-бабында татуласуға байланысты қылмыстық жауаптылықтан босату туралы көрсетілген. Байғанин аудандық сотында Қазақстан Республикасының ҚК-нің 188-бабының 2-бөлігінің 3- тармағымен азамат Б.Е-ге қатысты қылмыстық іс қаралды.

Ырғыз аудандық сотында Қазақстан Республикасының ӘҚБтК-нің 463-бабы 1-бөлігімен көзделген құқық бұзушылықты жасаған Е. қатысты әкімшілік іс қаралды.

Іс бойынша 2015 жылдың 18 ақпанында 20^-30 сағатта азамат Е. арнайы рұқсат, лицензия мiндеттi болғанына қарамастан, дара кәсіпкер ретінде тіркелмей және алкоголь өнімін сатуға лицензия алмай, өзінің үйінен әр шынысының құны 250 теңгеден «Посольская» алкоголь өнімдерін ауыл тұрғындарына заңсыз сатып, негізсіз кәсіпкерлік қызметпен айналысқан.

Көптеген құқық бұзушылықтар арақ ішкеннен кейін мастықтың әсерінен жасалып жататыны рас. Елімізде маскүнемдіктің алдын алу, оған жол бермеу мақсатында тиісті заң нормаларындағы жауапкершіліктер қатаңдатылғанымен оған да қарамастан салынып арақ ішіп маскүнемдік жолға түсушілер қатары азаяр емес. Соның бір мысалы, Байғанин аудандық сотында Қазақстан Республикасының ӘҚБтК-нің 440-бабының 4-бөлігімен азамат Б.А-ға қатысты әкімшілік іс қаралды.