жм, 04/08/2017 - 10:15
Шалқар аудандық сотында Қазақстан Республикасының Әкімшілік құқық бұзушылық туралы Кодексінің 482-бабының 1-бөлігімен С.-ға қатысты әкімшілік іс қаралды. (Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы)
Істің құжаттарына сәйкес, 2017 жылғы 04 шілдеде сағат 11.30-дар шамасында Шалқар ауданы, Тоғыз ауылына қарасты жер учаскесінде , Арал ауданының тұрғыны С. ішкі істер органдарында тіркелмеген 16 калибрлі, тегіс ұңғылы, қос ауызды №160695 санды аңшы мылтығын заңсыз сақтағандығы үшін полиция қызметкерлеріне ұсталған.
Соттың қаулысымен құқық бұзушы С. Қазақстан Республикасы Әкімшілік құқық бұзушылық туралы кодексінің 482-бабының 1-бөлігімен кінәлі деп танылып, оған жиырма айлық есептік көрсеткіш мөлшерінде 45 380 теңге айыппұл салынып, аңшы мылтығы тәркіленді.
Қаулы заңды күшіне енген жоқ.