Бс, 11/05/2017 - 16:50
Қобда аудандық сотымен талап қоюшы С-ның жауапкер Ш-ға берген некені бұзу туралы талап арызы бойынша азаматтық іс қаралды.
Өзінің арызында талап қоюшы С. жауапкер Ш-мен 2009 жылдың 26 қаңтарынан бастап заңды некеге тұратындарын, осы некеден кәмелетке толмаған екі балалары барын, өзара түсіністік болмау себебіне байланысты жауапкермен бірлесіп өмір сүру мүмкін еместігін келтіріп, араларындағы некені бұзуды сұрап сотқа жүгінген.
Сот отырысында тараптардан медиациялық келісім, яғни сотқа дауды медиация тәртібімен реттеу туралы жазбаша арыз түсіп, арызда тараптар соттан аталған медиация тәртібімен татуласуда көрсетілген шарттарды бекітуін сұрап өтініш жасаған. Тараптар жасаған келісімге сай, жауапкер Ш. талапкер С-мен татуласып, сыйластық білдіріп, отбасын сақтап қалуға әрекеттер жасайды, ал талапкер С. келтірген талап қою арызынан бас тартады.
Тараптар азаматтық істі өндірістен қысқартуды сұрады.
Сот тараптармен келген медиация келісімді бекітіп, азаматтық істі өндірістен қысқартты.
Ұйғарым заңды күшіне енген жоқ.
Ұқсас мәліметтер
- Қобда аудандық сотында «Сот кабинеті» мобильдік қосымша бойынша түсіндіру жұмыстары жүргізілді
- Қобда аудандық сотында «Гендерлік теңдік стратегиясы» тақырыбында дөңгелек үстел өткізілді
- Қобда аудандық соты «Сот кабинеті» электронды ақпараттық сервисінің қызметі туралы тақырыпта көшпелі семинар сабағын өткізді