Ср, 09/08/2017 - 16:15
Шалқар аудандық сотында Қазақстан Республикасының Әкімшілік құқық бұзушылық туралы кодексінің 73-бабының 1-бөлігімен Б.-ға қатысты әкімшілік іс қаралды. (Отбасы-тұрмыстық қатынастар аясындағы құқыққа қарсы әрекеттер)
Сот отырысында құқық бұзушы Б. 04 тамыз 2017 жылы шамамен с.20.00 өзінің үйінде алкогольдік ішімдік ішкен масаң күйінде өзінің некедегі жолдасы Б.-ға сыйламаушылық көрсетіп, былапыт сөйлеп, қорлап тиісіп, лас сөздермен балағаттап, үйдің тыныштығын бұзып, қасақана әкімшілік құқық бұзушылық жасағаны анықталды.
Сот отырысы барысында жәбірленуші Б. құқық бұзушы Б.-ға кешірім беріп, татуласқандықтарын айтып, сотқа медиативтік келісім шартын ұсынды.
Сот қаулысымен Б-ке қатысты ҚР ӘҚБтК-нің 73 бабының 1 бөлігімен қозғалған әкімшілік іс медиативтік келісім негізінде жәбiрленушiмен татуласуына байланысты, әкiмшiлiк жауаптылықтан босатылып, сот өндірісінен тоқтатылды.
Қаулы заңды күшіне енген жоқ.