Архив событий

Ақтөбе облысының мамандандырылған ауданаралық экономикалық сотында «Мемлекеттік сатып алу саласында мәмілені жарамсыз деп тану» тақырыбында дөңгелек үстел өткізілді.

Дөңгелек үстелге Ақтөбе облстық сотының судьясы Ж.Әлішева және экономикалық соттың судьялары қатысты.

Судья Бисенова Ляззат Мырзалықызы баяндама оқыды.

Дөңгелек үстел барысында «Мемлекеттік сатып алу туралы» Қазақстан Республикасының Заңы талқыланды.

Ақтөбе облыстық сотының төрағасы Ерлан Айтжанов сот жүйесінің ашықтығын, жариялылығын және қолжетімділігін қамтамасыз ету мақсатында облыс тұрғындары үшін интернет-конференция өткізген болатын. Оған облыстық соттың қылмыстық істер жөніндегі алқа төрағасының м.а. - Шапағат Әлнияз бен азаматтық істер жөніндегі алқа төрағасы - Нұрсапа Примашев пен БАҚ өкілдері: «Қазақстан-Ақтөбе» ТРК АҚ мен «РИКА ТВ» телеарналарының журналистері қатысты.

Шалқар аудандық сотының бас маманы А.Болысбай   Шалқар қаласы №1 мектеп-гимназиясының 9 сынып оқушылары арасында өткізілген «Абай Құнанбаевтың шығармашылығы» атты  сыныптан тыс  сабағына қатысты.

Абай шығармашылығы рухани күштің, бостандық сүйгіштіктің, патритотизмнің көрінісі.

Қазақстан Республикасы Қылмыстық Кодексінің 106-бабының 3- бөлігімен айыпталған Е.Ж.-ге қатысты қылмыстық ісі бойынша жәбірленуші өкілі Л.Г.Шевцовадан Мұғалжар ауданының №2 аудандық сотының төрағасы А.Сабыровты атына алғыс хат түсті. Ол өз хатында, судья А.Сабыров соттың дұрыс жүргізілуіне, нақтылығына және жағдайды  түсінуіне байланысты алғысын білдіріп, оған денсаулық және өзінің қиын қызметін атқаруда жетістіккке жете беруін тілеген. Өзінің өтінішін және алғысын судьяның жеке ісіне салуды сұраған. Сонымен қатар бұл адам үлкен әріптен басталатын адам деп атап өткен.

Ақтөбе облысының мамандандырылған ауданаралық экономикалық сотында жеке кәсіпкер Г. жауапкер «Р» ЖШС-нен қарыз соманы және өсімпұлды өндіру туралы талап арызы бойынша азаматтық іс қаралды.

Іс материалдарына сәйкес, жеке кәсіпкер Г. «РусКазДорСервис» ЖШС-нен қарыз сома 2 203 162 теңге, өсімпұл 147 737 теңге және сот шығындарын  өндіру туралы арызбен сотқа шағымданған.

Тараптар арасында 2015 жылдың 10 қыркүйегінде  тауарды сату келісім шарты жасалған. Өнімнің жеткізілуі шот-фактура және шығыс жүк құжаттарымен расталады. Жауапкер тауарды қабылдап, шот-фактуралар, шығыс жүкқұжаттары және салыстыру актісіне сәйкес  2 203 162 теңге соманы төлемеген.  

Сот отырысында тараптардан бітімгершілік келісім бекіту туралы өтініш түсіп, оның шарттары бойынша жауапкер «Р» ЖШС 2 203 162 теңге мөлшерінде берешек сома және 147 737 теңге өсімпұл сомасын 2016 жылдың 1 маусымына дейін төлеуге міндеттенген. Талапкер өз кезегінде жауапкерге койған талабынан бас тартқан.

Сот ұйғарымы бойынша жеке кәсіпкер Г. мен «Р» ЖШС арасында бітімгершілік келісім бекітіліп, азаматтық іс өндірістен қысқартылған.

Ұйғарым заңды күшіне енген жоқ.