жм, 10/02/2017 - 08:38
Мұғалжар аудандық сотында Қазақстан Республикасының Қылмыстық Кодексінің 287-бабының 1-бөлігімен (қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) айыпталған Б.-ға қатысты қылмыстық іс қаралды.
Іс материалдарына сәйкес, 2017 жылдың 1-қаңтарында Б. қолдан жасалған «кастетті» өзімен бірге заңсыз алып жүрген.
Крининалист-маманның қорытындысына сай, Б.-дан алынған қолдан жасалған «кастет» суық қару болып табылады.
Сот отырысында Б. өзіне тағылған айыпты мойындап, істеген іс әрекетіне өкінетінін айтты.
Сот үкімімен Б. Қазақстан Республикасының Қылмыстық Кодексінің 287-бабының 1-бөлігімен кінәлі деп танылып, оған 100 сағатқа қоғамдық жұмыстарға тарту жазасы тағайындалды.
Үкім заңды күшіне енген жоқ.