Шалқар аудандық сотында брифинг өткізілді

Шалқар аудандық сотында  2017 жылдың екінші жартыжылдығының сот жұмысының қорытындысы туралы «Шалқар» газетінің  тілшісі М.Мырзалиннің қатысуымен брифинг өткізілді.

Сот төрағасы О.Ә.Бақтыгереев  көрсетілген мерзімде атқарылған жұмыс туралы айтып, есептік мерзімде қаралған қылмыстық, азаматтық  және әкімшілік құқық бұзушылық істерге қатысты және медиация тәртібімен қысқартылған істердің және   «Сот кабинеті» сервисі  арқылы түскен талап арыздар саны   бойынша мәлімет берді.

 Сонымен қатар, брифингте судья С.О.Дәріқұлова Қазақстан Республикасы Әкімшілік құқық бұзушылық туралы, Қылмыстық    кодекстеріне  енгізілген өзгерістер туралы  баяндады.