Ср, 01/03/2017 - 09:01
Ақтөбе облысы Байғанин аудандық сотында Қазақстан Республикасы «Әкімшілік құқық бұзушылық туралы» Кодексінің 73-бабы 1-бөлігімен (отбасы-тұрмыстық қатынастар аясындағы құқыққа қарсы әрекеттер) М.Ш.-ға қатысты әкімшілік іс қаралды.
Істің құжаттарына сәйкес, азамат М.Ш. 13.02.2017 ж. жергілікті уақытпен сағат 19.30-дар шамасында өзімен бірге тұратын анасы Т.-ға қорлап тиісіп, үйінің тыныштығын бұзып отбасы - тұрмыстық қарым қатынастар аясындағы құқыққа қарсы әрекеттерді жасаған.
Сот отырысында жәбірленуші Т. құқық бұзушы М.Ш.-ға кешірім беретінін, олар өзара бітімгершілікке келгендерін айтып, сотқа медиативтік келісім шартын ұсынып, осы істі тоқтатуды сұрады.
Соттың қаулысымен осы әкімшілік іс Қазақстан Республикасы «Әкімшілік құқық бұзушылық туралы» Кодексінің 64-бабының 1-бөлігіне (Әкiмшiлiк жауаптылықтан тараптардың татуласуына байланысты босату) сәйкес тоқтатылды.
Сонымен қатар, оның жаңа құқық бұзушылық жасауының алдын алу мақсатында оның мінез-құлқына 3 ай мерзімге ерекше талаптар белгілеу туралы аудандық ІІБ-нің өтінішхатын сот қанағаттандырды.
Қаулы заңды күшіне енген жоқ.