Дс, 24/07/2017 - 14:27
Шалқар аудандық сотында Қазақстан Республикасының Әкімшілік құқық бұзушылық туралы Кодексінің 608- бабының 1-бөлігімен (жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру) азамат М.-ға қатысты әкімшілік ісі қаралды.
Істің мәні бойынша, азамат М. Шалқар қаласы Желтоқсан көшесі бойында жол қозғалысы ережесін бұзып, «Лада-21905» маркалы автокөлігін мас күйінде басқарып ҚР ӘҚБтК-нің 608- бабының 1- бөлігімен көзделген құқық бұзушылықты жасаған.
Құқық бұзушы М. сот отырысында өзінің кінәсін толық мойындады.
Сот аз.М. Қазақстан Республикасының Әкімшілік құқық бұзушылық туралы Кодексінің 608- бабының 1- бөлігімен үш жыл мерзімге көлік құралын басқару құқығын айыру түріндегі әкімшілік жаза қолданды.
Қаулы заңды күшіне енген жоқ.