Көлік құралын алкогольдік күйдегі жүргізіп материалдық шығын келтірді

Қобда аудандық сотында  Қазақстан Республикасы Әкімшілік Құқық Бұзушылық туралы Кодексінің  608-бабының  3-бөлігімен (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру) әкімшілік жауапқа тартылған азамат К.-ға қатысты әкімшілік іс қаралды.

Істің мәні бойынша, азамат К. 2017 жылдың 14 маусым күні сағат 20.05 шамасында, арақ ішкен мас күйінде, Қобда ауылы Абулхайырхан көшесіде маркасы «Kia Ria»  автокөлігін басқаруында Алтынсарина көшесі қоршауына соққы келтірген, сүйтіп  көлік құралдарын  мен өзге мүлікті бүлдіріп, материалдық шығын келтірген.

Құқықбұзушының жасаған іс әрекеті медициналық қорытындысымен және     өзінің түсініктемесімен дәлелін тауып отыр.

Сот азамат К.-ны  Қазақстан Республикасы Әкімшілік Құқық Бұзушылық туралы Кодексінің  608-бабының 3-бөлігімен көлік құралын басқару құқығынан 5 жыл мерзімге айыру түріндегі әкімшілік жазаға тартты.

Қаулы заңды күшіне енген жоқ.