Бс, 09/03/2017 - 09:21
Ақтөбе облысы Байғанин аудандық сотында Қазақстан Республикасы «Әкімшілік құқық бұзушылық туралы» Кодексінің 73-бабы 1-бөлігімен (отбасы-тұрмыстық қатынастар аясындағы құқыққа қарсы әрекеттер) А.К.-ға қатысты әкімшілік іс қаралды.
Істің құжаттарына сәйкес, азамат А.К. 20.02.2017 ж. жергілікті уақытпен сағат 21.30-дар шамасында өзімен бірге тұратын апасы О.-ға қорлап тиісіп, үйінің тыныштығын бұзып отбасы-тұрмыстық қарым-қатынастар аясындағы құқыққа қарсы әрекеттерді жасаған.
Сот отырысында жәбірленуші О. құқық бұзушы А.К.-ға кешірім беретінін, олар өзара бітімгершілікке келгендерін айтып, сотқа медиативтік келісім шартын ұсынып, осы істі тоқтатуды сұрады.
Бұл әкімшілік іс соттың қаулысымен Қазақстан Республикасы «Әкімшілік құқық бұзушылық туралы» Кодексінің 64-бабының 1-бөлігіне (Әкiмшiлiк жауаптылықтан тараптардың татуласуына байланысты босату) сәйкес тоқтатылды.
Сонымен қатар, А.К.-ның жаңа құқық бұзушылық жасауының алдын алу мақсатында оның мінез-құлқына 3 ай мерзімге ерекше талаптар белгілеу туралы аудандық ІІБ-нің өтінішхатын сот қанағаттандырды.
Қаулы заңды күшіне енген жоқ.