2017 жылдың 2 айында атқарылған жұмыс нәтижесі бойынша баспасөз мәслихаты

Мұғалжар ауданының №2 аудандық сотында  «Мұғалжар» аудандық газетінің штаттан тыс тілшісі А.Балымбетовтың қатысуымен сот саласындағы жаңалықтар бойынша және аудандық соттың ағымдағы жылдың 2 айында атқарылған жұмыс нәтижесі туралы баспасөз мәслихаты өтті.

Сот төрағасының м.а. Ж.Кунаева өз баяндамасында, есептік кезеңнің сотпен қаралған істер бойынша статистикалық көрсеткіштерге тоқталып өтті:

Сот өндірісіне 2017 жылдың 2 айында 9 қылмыстық іс түсіп, 8 іс қаралған, оның ішінде 6 тұлғаға қатысты 6 іс бойынша үкім шығарылған, 2 іс соттылығымен жолданған.

Азаматтық істер бойынша 44 іс және 5 материал, оның ішінде сот бұйрығын шығарумен 20 іс қаралды, 16 шешім шығарылды, 3 іс қараусыз қалдырылған, 5 іс қысқартылған, оның ішінде 3 іс татуласу келісімімен қысқартылды, 1 іс медиация тәртібімен қысқартылған.

45 әкімшілік іс түсіп, қаралған, оның ішінде әкімшілік жаза қолдануымен 42 қаулы шығарылған, 3 іс қысқартылған.

Сот өндірісімен сот актілерін орындаумен байланысты 46 жадығат қаралған.

Сонымен қатар, Қазақстан Республикасының Жоғарғы Соты Төрағасының өкімімен бекітілген «Сотқа дейінгі дауларды  (жанжалдарды) реттеу бойынша пилоттық жобаны енгізуді іске асыру, жекелеген санаттары бойынша дауларды медиация тәртібімен шешу» жобасы іске асырылып жатқанын және пилоттық жобаның мақсаты, жекелеген санаттағы дауларды (жанжалдарды) медиация тәртібімен сотқа дейінгі реттеуде азаматтық сот ісін жүргізуді енгізу, бітімгершілік рәсімдерді қолдану аясын кеңейту, азаматтардың сот шығындарын азайту, соттан тыс дауды (жандалдарды) реттеуде халықтың мүдделілігін анықтау болып табылатындығын атап  өтті.

Шара соңында сот төрағасының м.а. Ж.Кунаева  аудандық газет өкіліне ынтымақтастығы үшін алғыс айтты.