Мәртөк аудандық сотында азаматтарды қабылдау кестесіне сәйкес сот төрағасы жұмыстағы уақыт тәртібі бойынша әр дүйсенбі күні сағат 10ºº-16ºº -ге дейін азаматтарды қабылдайды.
Азаматтарды қабылдау сот төрелігі мен сот жүйесіне халықтың сенімін, сондай-ақ азаматтардың құқықтық мәдениетін арттыру мақсатында өткізіліп отыр.
Мұғалжар аудандық сотының төрағасымен бүгін ашық есік күні өткізілді.
Іс-шара барысында Мұғалжар аудандық сотының төрағасы С.З.Тасымбетов қатысушы А.Р. салық органының әкімшілік қаулысына шағым келтіру тәртібі және мерзімдері туралы сұрағымен келіп, өз сұрақтарына толық жауабын алды.
Әрдайым «Ашық есік күні» шарасына келушілердің сұрақтарына жауаптар заң шеңберінде беріліп отырады.
Қобда аудандық сотында судья Ш.Е.Есжановамен , «Қобда» газетінің тілшісі А.Егізбай қатысуымен «Медиация Заңының қолданылуы» туралы тақырыпта брифинг өткізілді.
Темір аудандық сотында Қазақстан Республикасының Әкімшілік құқық бұзушылық туралы кодексінің 482-бабының 1-бөлігімен (жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы) Л.-ге қатысты әкімшілік іс қаралды.
Іс материалдары бойынша, азамат Л., Темір ауданы Кенкияқ кентінде ішкі істер органдарында тіркелмеген 16-калибрлі «ИЖ-58МА» модельді тегіс ұңғылы атыс қаруына жататын сыңар ауыз шақпақты аңшы мылтықты өзінде заңсыз сақтаған.
Ақтөбе облыстық соты