29 шілде 2016 жылы Ақтөбе облысының мамандандырылған ауданаралық экономикалық сотында «Қызметті тоқтату туралы азаматтық істердің соттылығын анықтау» тақырыбында дөңгелек үстел өткізілді.
Мұғалжар ауданының №2 аудандық сотында Қазақстан Республикасының ҚК-нің 293-бабының 3-бөлімінің 2 тармағымен (суық қаруды не денсаулыққа зиян келтiру, қолдануға тырысып жасалған бұзақылық) сотталушы О. қатысты қылмыстық іс қаралды.
Ақтөбе облысының қылмыстық істер жөніндегі мамандандырылған ауданаралық сотында жергілікті БАҚ өкілдерінің қатысуымен қаралған қылмыстық іс бойынша брифинг өткізілді.
Брифинг барысында судья Г.Ажигалиева Қазақстан Республикасы ҚК-нің 99-бабының 1- бөлігімен (адам өлтіру, яғни басқа адамды құқыққа қарсы қасақана қазаға ұшырату) сотталған К.-ге қатысты қылмыстық іс туралы түсініктеме берді.
Ақтөбе облысының мамандандырылған ауданаралық экономикалық сотының судьясы А.Жүсіпов «Қазақстан-Ақтөбе» телерадиокомпаниясы АҚ-ның «Адам және Заң» бағдарламасында «Мемлекеттік органдардың әрекеттерін даулау» тақырыбында сұхбат берді.
Тікелей эфир барысында Қазақстан Республикасының АПК 29-тарауы талқыланды.
Ақтөбе қалалық сотының оқу орталығында Ақтөбе қалалық соты судьяларының қатысуымен «Судья Әдебі Кодексінің нормаларын түсіндіру», «Жоғарғы тұрған сотпен өзгертілген және күші жойылған сот актілерін бақылау және талқылау» тақырыптарында семинар сабақтары өткізілді.
Баяндамаларымен судьялар А.Қабылдинов, А.Садықова сөз сөйледі.
Қобда аудан әкімдігінде «Қазақстан Республикасындағы тілдер туралы» тақырыбында дөңгелек үстел өткізілді.
Шараға Қобда аудандық сотының, аудандық ішкі саясат бөлімінің мамандарымен және мемлекеттік мекемелердің өкілдері қатысты.
Ақтөбе облыстық соты