Ср, 16/11/2016 - 15:23
Ақтөбе облысының кәмелетке толмағандар істері жөніндегі мамандандырылған ауданаралық сотында Қазақстан Республикасының Әкімшілік құқықбұзушылық туралы Кодексінің 435-бабы бойынша М.-ге қатысты әкімшілік іс қаралды.
Сотта анықталғандай, кәмелетке толмаған Б. айналасындағыларға сыйламаушылық білдіріп, мектеп коридорында мұғалімді балағаттап, қоғамдық тәртіпті бұзып, ұсақ бұзақылық жасаған. Кәмелетке толмаған Б.-ның әкімшілік құқық бұзушылық жасаған әрекетіне оның заңды өкілі М.-ға әкімшілік құқық бұзушылық туралы хаттама толтырылып, әкімшілік іс қозғалған.
Сот қаулысымен, құқық бұзушы М. Қазақстан Республикасы ӘҚБтК-нің 435-бабымен кінәлі деп танылып, оған әкімшілік жаза ретінде 7айлық есептік көрсеткіш, яғни 14 847 теңгеге айыппұл салып, мемлекет пайдасына өндірілді.
Сот қаулысы заңды күшіне енген жоқ.