Сс, 15/03/2016 - 10:07
Хромтау аудандық сотында судья Е.Жеткерген мен жергілікті басылым «Хромтау» газетінің тілшісі Л.Абдированың қатысуымен брифинг өткізілді.
Брифингте Хромтау аудандық сотымен 2016 жылы қаралған қоғамдық маңызы бар 2 қылмыстық істің қаралу нәтижелері талқыланды.
2016 жылдың 23 ақпанында Д.Кобеляцкийге қатысты қылмыстық іс қаралды. Д.Кобеляцкий Қазақстан Республикасы ҚК-нің 200-бабының 1-бөлігінде көрсетілген қылмыстық құқық бұзушылықты жасаған, яғни автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алған (айдап кету).
Сот үкімімен Д.Кобеляцкий Қазақстан Республикасы ҚК-нің 200-бабының 1-бөлігімен кінәлі деп танылып, 1 жыл мерзімге бас бостандығынан шектеу жазасына тағайындалды.
Сот үкімі күшіне енген жоқ
2016 жылдың 4 наурызында А.Курманбековке қатысты қылмыстық іс қаралды. А.Курманбеков Қазақстан Республикасы ҚК-нің 307-бабының 1-бөлігінде көрсетілген қылмыстық құқық бұзушылықты жасаған, яғни ойын мекемесiн заңсыз ашып, ойын бизнесі саласындағы қызметі лицензиясыз жүзеге асырған.
Нәтежесінде сот үкімімен А.Курманбеков кінәлі деп танылып, оған мүлкi тәркiленiп, 1 жыл мерзімге бас бостандығынан шектеу жазасы тағайындалды.
Сот үкімі күшіне енген жоқ.