жм, 11/05/2018 - 09:28
Әйтеке би аудандық сотының бас маманы А.Сүтемген Комсомол көпсалалы колледжінің 1-курс студенттерімен кездесу өткізді.
Шара барысында студенттерге осы аймақтың сот жүйесі туралы, оның құрылымы мен жұмысы жөнінде, судьялық қоғам органдарының қызметі туралы, судья шеніне біліктілік емтихан тапсыру талаптары түсіндірілді.
Сондай-ақ, сот органының айқындығын қамтамасыз ететін, бүгінгі күні негізгі факторлардың бірі енгізілген жаңа ақпараттық технологиялар жөнінде, халықтың сотпен қарым-қатынас жасауға барлық жақтан процестік мүмкіндіктерін қолданатын Қазақстанда толыққанды сот төрелігі жүйесі құрылғанын, Қазақстан соттарындағы іске қосылған негізгі электронды жүйелерді, жаңадан енгізілген ақпараттық технологиялардың жағымды жақтарын атап өтті.
Іс-шара соңында бас маман А.Сүтемген қатысушыларға алғыс білдіріп, білім алу жолында табыс тіледі.