Ақтөбе қаласы №2 сотының хабарламасы бойынша:

Ақтөбе қаласы № 2 сотымен айыпталушы К. және А.-ға қатысты лауазымдық өкілеттіктерін теріс пайдаланғаны үшін қылмыстық іс қаралды (ҚК-нің 361-бабының 4-бөлігі 3-тармағы).

 

Қысқаша фабула

Сотқа дейінгі тергеп-тексеру органымен Қ. және А. полиция қызметкерлері бола тұра, стационарлық бекетте қызметте болып, азаматша К.-дан табылған сөмкені қабылдап, лауазымдық өкілеттіктерін асыра пайдаланып, сөмкеде болған Б. және Ш-ға тиесілі жалпы сомасы 5 330 000 теңге ақшалай қаражатты иемденді деп айыпталды.

 

Дәлелдемелер

Сотталушылардың кінәсі дәлелдемелер жиынтығымен, оның ішінде жәбірленушілердің, куәлардың айғақтарымен, бейнежазбалармен расталады.

 

Тағайындалған жаза

ҚК-нің 361 б. 4 б. көзделген санкция бойынша 7 жылға дейінгі мерзімге бас бостандығын шектеу не сол мерзімге бас бостандығынан айыру түріндегі жазасы қарастырылған.

 

Сотталушылар Қ. және А.-ның қылмыстық жауаптылығын жеңілдететін мән-жайлары ретінде сот шын жүректен өкінгенін, жасөспірім балаларының болуын және жәбірленушілерге келтірілген залалды толық көлемде өтегенін таныды.

 

Сотталушылардың қылмыстық жауаптылығын ауырлататын мән-жайлар ретінде сот Қ. және А.-ның өздері берген сертін бұзғаны және алдын ала сөз байласу арқылы адамдар тобында қылмыстық құқық бұзушылық жасағанын таныды.

 

Сот сотталушыларды ҚК-нің 361-бабының 4-бөлігі 3) - тармағы бойынша кінәлі деп танып, оларға белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып, 2 жыл мерзімге бас бостандығынан айыру түріндегі жаза тағайындады.

 

Сот үкімі заңды күшіне енген жоқ.