Сот – маскүнемді қамауға алды

Байғанин аудандық сотында Әкімшілік құқық бұзушылық туралы Қазақстан Республикасының Қодексінің 440-бабы 4-бөлігімен (Бір жыл ішінде үш рет қоғамдық орындарға алкогольдік ішімдік ішкен немесе масаң күйде келу) Ж.К.-ға қатысты әкімшілік іс қаралды.

Істің құжаттарына сәйкес, Ж.К. бұрын қоғамдық орынға мас күйінде келгені үшін бір жыл ішінде екі рет әкімшілік жаза қолданылған адам бола тұра, қайталап 25.08.2017 ж. сағат 16.30-дар шамасында қоғамдық орында масаң күйде жүргені үшін полиция қызметкерлеріне ұсталған.

Соттың қаулысымен құқық бұзушы Ж.К. Әкімшілік құқық бұзушылық туралы Қазақстан Республикасының Қодексінің 440-бабының 4-бөлігімен кінәлі деп танылып, оған 3 (үш) тәулікке  әкімшілік қамаққа алу жазасы қолданылды.

Қаулы заңды күшіне енді.