жм, 09/06/2017 - 10:04
Мәртөк аудандық соты азамат С.-ке қатысты Қазақстан Республикасы Әкімшілік құқық бұзушылық кодексінің 73-бабының 2-бөлігімен әкімшілік іс қарады.
Сот анықтағандай, азамат С. осы жыл ішінде Қазақстан Республикасы Әкімшілік құқық бұзушылық кодексінің 73-бабының 2-бөлігімен тартылған, өз үйінде тұрмыстық ұрыс-керістің барысында жұбайына былапыт сөйлеп, сыйламаушылық білдіріп, тұрғын үйде тыныштықты бұзған.
Сот отырысында азамат С. жұбайына былапыт сөйлегені жөнінде өз кінәсін мойындап, өкінді.
Сотта жұбайы құқық бұзушылықтың мән-жайларын растап, құқық бұзушымен татуласуына байланысты, азамат С.-ке қатысты әкімшілік істі тоқтатуды сұрады.
Сот қаулысымен азамат С.-ке қатысты Қазақстан Республикасы Әкімшілік құқық бұзушылық кодексінің 73-бабының 2-бөлігімен әкімшілік құқық бұзушылық туралы іс бойынша тараптардың татуласуына байланысты іс жүргізу тоқтатылды.
Қаулы заңды күшіне енген жоқ.