Бс, 15/06/2017 - 15:00
Қазақстан Республикасының Конституциясына сәйкес, азаматтардың еңбегін уақытылы төлеу конституциялық құқығының қорғалуы мемлекеттік саясатының басым бағыттардың бірі болып табылады.
Ақтөбе қалалық сотымен талап қоюшы П.-ның жауапкер «С.» ЖШС-не еңбекақы бойынша берешекті, зейнетақы жарналарын және моральдық залал өндіру туралы азаматтық ісі қаралды.
Сот отырысында, талап қоюшы П. еңбек шарты негізінде «С.» ЖШС-де жүк тиеуші машинист болып жұмыс жасағандығы анықталды. Еңбекақы туралы анықтамасына сәйкес, 2016 жылдың наурыз-тамыз айлары аралығында еңбекақысы бойынша 782 530 теңгені, зейнетақы жарналары бойынша берешегі 94 817 теңгені құраған.
Сот істің материалдарын жан-жақты зерттеп, талап арызды ішінара қанағаттандырды. Жауапкер «С.» ЖШС-нен талап қоюшының пайдасына 782 530 теңге көлемінде еңбекақы бойынша берешегін, 5 239 теңге көлемінде пеня, 93 216 теңге көлемінде зейнетақы жарналарын, 20 000 теңге көлемінде моралдық залалды өндірді.
Шешім заңды күшіне енген жоқ.