Ср, 26/03/2014 - 14:40
Ақтөбе облысының Әйтеке би аудандық соты, ашық сот отырысында Әйтеке би ауданы, Комсомол селосының тұрғыны Д-ға қатысты ҚР ҚК-нің 311-бабының 1-бөлігімен қозғалған қылмыстық істі қарады.
Істің мән-жайына келсек: 2013 жылдың 23 қарашада Д. Әйтеке би станциясының - мемлекеттік қызметтер атқаруға уәкiлеттi адамға теңестiрiлген адам бола отырып, өзі тікелей және осы мекеменің бөлімше бастығы С. арқылы Т-ның пайдасына жасаған iс-әрекеті үшін және жалпы қамқоршылық жасау үшін Т-дан 300 АҚШ доллары ақша түрінде пара алып, мемлекеттік қызмет пен мемлекеттік басқару мүдделеріне қарсы сыбайлас жемқорлық қылмысын жасаған.
Судья сотталушы Д-ны кінәлі деп тауып, оған 2 (екі) жыл мерзімге бас бостандығын шектеу жазасы тағайындалды.
Үкім заңды күшіне енген жоқ.
Ақтөбе облыстық соттың баспасөз қызметі