Медиаторлардың қатысуымен дөңгелек үстел өткізілді

Баспаға арналған нұсқасыБаспаға арналған нұсқасыХат жолдауХат жолдау

Ақтөбе облысының мамандандырылған ауданаралық экономикалық сотында сот судьяларының және «Халықаралық құқық қорғау орталығы» ҚБ өкілі З.Казиева, «Медиаторлардың Ұлттық палатасы» РҚБ өкілі С.Тулькубаеваның қатысуымен  «Даулардың жекелеген санаттары бойынша дауларды медиация тәртібімен сотқа дейінгі реттеуді енгізу» тақырыбында дөңгелек үстел өткізілді.

Судья Г.К.Избасарова баяндамасында Қазақстан Республикасы Жоғарғы Сотымен татуластыру рәсімдерін кеңейту мақсатында ағымдағы жылдың ақпан айынан шілде айына дейін соттарда даулардың жекелеген санаттары бойынша дауларды медиация тәртібімен сотқа дейінгі реттеу бойынша пилоттық жоба іске асып жатқандығын атап өтті. Пилоттық жобаны жүзеге асыру туралы ереже Жоғарғы Сот Төрағасының өкімімен бекітілген.  Пилоттық жоба мақсаты азаматтық іс жүргізуге даулардың жекелеген санаттары бойынша дауларды медиация тәртібімен сотқа дейінгі реттеуді енгізу болып табылады. Пилоттық жоба қатысушылары жасөспірімдер істері жөніндегі мамандандырылған соттар, азаматтық істер қарайтын аудандық және оларға теңестірілген соттар, мамандандырылған экономикалық соттар, сонымен қатар медиаторлар болып табылады.

Дөңгелек үстел барысында сот судьялары және шақырылғандар осы тақырыпқа байланысты өзара пікір алмасты, медиаторлар тарапынан өздерінің қызметін түсіндіру жұмыстары жүргізілді. Ал іс-шараның соңында төрағалық етуші барлық қатысушыларға келгендері және тақырыпқа деген қызығушылықтары үшін алғыс білдірді.

Қайнар: 
Ақтөбе облыстық сотының баспасөз қызметі