Ср, 13/09/2017 - 14:34
Ақтөбе облысы Ойыл аудандық сотында Қазақстан Республикасы Әкімшілік құқық бұзушылық туралы Кодексінің 87-бабының 1-бөлімі бойынша (жұмыс берушінің жалақыны толық көлемде және Қазақстан Республикасының еңбек заңнамасында белгіленген мерзімдерде төлемеуі) «Ш» ШҚ-ның басшысы Н-ге қатысты әкімшілік іс қаралды.
«Ш» ШҚ-ның басшысы Н. ҚР Еңбек Кодексінің 113-бабының 1 және 3 тармақтары, 23 бабының 2 бөлігінің 5 тармақтарында көрсетілген талаптарды бұза отырып, 2017 жылдың 14 ақпаннан бастап 14 тамызына дейін еңбек шартымен жұмыс жасаған жұмысшы У-ның еңбекақысын төлемегені анықталды. Соның негізінде «Ш» ШҚ-ның басшысы Н. Қазақстан Республикасы Әкімшілік құқық бұзушылық туралы Кодексінің 87 бабының 1-бөлігінде көрсетілген құқық бұзушылық жасаған.
Сот қаулысымен «Ш» ШҚ-ның басшысы Н. 60 айлық есептік көрсеткіш, яғни 136 140 теңге мөлшерінде айыппұл түрінде әкімшілік жауапкершілік жазасы тағайындалды.
Сот қаулысы заңды күшіне енген жоқ.