Архив событий

Ақтөбе қаласының мамандандырылған әкімшілік сотында Қазақстан Республикасының әкімшілік құқық бұзушылық туралы кодексінің 463 бабының 1-бөлімімен (тіркеу, хабарлама жіберу мiндеттi болған жағдайларда, тiркеусiз, хабарлама жібермей қызметпен айналысу) жеке кәсіпкер У-ға қатысты іс қаралды.

Сотта анықталғандай, Жеке кәсіпкер У өзінің кәсіпкерлік қызметін «И» компьютерлік клубында, Қазақстан Республикасы Салық кодексінің 574 бабының 1-бөлімінің 8-тармақшасының талабын бұзып, компьютерлерді мемлекеттік кіріс органдарына тіркетпей жүзеге асырған. 

Алға аудандық сотында талап қоюшы Н. жауапкер Б. соттың шешімімен баласы 3 жасқа толғанша өзін асырау үшін өндірген алименттен босату туралы азаматтық   іс қаралды.

Азамат Н. бұрынғы әйелі Б. баласы 3 жасқа толғанша ай сайын өзін асырау үшін өндірген алимент төлеуден босатуды сұраған, себебі  жауапкер қазіргі кезде  жұмысқа орналасқан, олардың  материалдық жағдайлары өзгерген айтып сотқа арызбен жүгінген. 

Ырғыз аудандық сотында Б.-ға қатысты Қазақстан Республикасының Әкімшілік құқық бұзушылық туралы Кодексінің 383-бабы 3-бөлігімен (әуесқойлық (спорттық) балық аулауды қоспағанда, тыйым салынған мерзімдерде, тыйым салынған құралдармен немесе тәсiлдермен, тыйым салынған жерлерде балық аулау қағидаларын, сондай-ақ балық ресурстарын және басқа да су жануарларын пайдаланудың басқа да түрлерiн жүзеге асыру қағидаларын қылмыстық жазаланатын іс-әрекет белгiлерi жоқ өрескел бұзу) жинақталған әкімшілік іс қаралды.

Ақтөбе облысы Қарғалы аудандық сотында Қазақстан Республикасының Әкімшілік құқық бұзушылық туралы Кодексінің 73 бабының 1-бөлігі (отбасы-тұрмыстық қатынастар аясындағы құқыққа қарсы әрекеттер) бойынша П.-ға қатысты әкімшілік іс қаралды.  

Сотта анықталғандай, П. өзінің үйінде 25.06.2017 жылы сағат шамамен 12:00-де, азаматтық некедегі М.-ға балағат сөз сөйлеп, өзімен отбасы-тұрмыстық қатынастардағы адамға сыйламаушылық көрсеткен.

Ақтөбе облысы Әйтеке би аудандық сотында құқық бұзушы Ә.-ға қатысты Қазақстан Республикасы Әкімшілік құқық бұзушылық туралы Кодексінің 608-бабының 2-бөлігі жүргізушінің көлік құралын алкогольдік масаң күйде басқарып, авариялық жағдай туғызуға әкеп соққан әрекеттер жасаған үшін әкімшілік іс қаралды.

Байғанин аудандық сотында Қазақстан Республикасы Әкімшілік құқық бұзушылық туралы Кодексінің  669-бабымен (сот үкiмiн, сот шешiмiн немесе өзге де сот актiсiн және атқарушылық құжатты орындамау)  С.С.-ға қатысты әкімшілік іс қаралды.

Шалқар аудандық сотында Қазақстан Республикасының Әкімшілік құқық бұзушылық туралы Кодексінің 463-бабының 1-бөлігімен азамат  Қ-ға қатысты әкімшілік құқық бұзушылық туралы іс қаралды. (тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысу, сондай-ақ әрекеттердi (операцияларды)жүзеге асыру)

Шалқар аудандық сотында лауазымды тұлға, «Шалқар аграрлық-техникалық колледжі»  мемлекеттік коммуналдық қазыналық кәсіпорны басшысы  Е. қатысты Қазақстан Республикасының Әкімшілік құқықбұзушылық туралы кодексінің 87-бабының 1-бөлігімен (еңбекке ақы төлеу жөніндегі  талаптарды бұзу) әкімшілік құқық бұзушылық іс қаралды.

Ақтөбе қаласының мамандандырылған әкімшілік сотында азаматша С-ға қатысты әкімшілік іс қаралды, іс материалында көрсетілгендей ол мемлекеттік лауазымды атқарушы тұлғаның жұбайы бола тұра  ҚР «Сыбайлас жемқорлыққа қарсы іс-қимыл» Заңының 27 бабының талаптарын бұзып,  2016 жылдың декларациясында салық салу объектісі болып табылатын мүлкі туралы толық мәлімет бермеген, сөйтіп ол Қазақстан Республикасы әкімшілік құқық бұзушылық туралы кодексінің 274 бабының 1-бөлімінде (мемлекеттік лауазымды атқаратын адамның, сол сияқты аталған адамдардың жұбайының салық салу объект