2017 жылғы 19 маусымда Мұғалжар аудандық сотында азаматтардың сұрақтарына қолданыстағы заңнамаға сәйкес кеңестер беру мақсатында «Ашық есік күні» өткізілді.
Іс-шара барысында сот төрағасы С.З.Тасымбетовпен аудан тұрғындарының көкейіндегі салық берешектері, отбасы даулары және тұрғын үй қатынастары туралы сұрақтарына жауаптар берілді.
Хромтау аудандық соты Қазақстан Республикасы Қылмыстық Кодексінің 200-бабының 2-бөлігі 1,3-тармақтары бойынша (автомобильдi немесе өзге де көлiк құралын жымқыру мақсатынсыз құқыққа сыйымсыз иеленіп алу) К. мен О-ға қатысты қылмыстық ісін қарады.
Ақтөбе қалалық сотында талап қоюшы Б.-ның жауапкер «К.» РММ-ге 595 040 теңге көлемінде материалдық залал, 65 032 теңге көлемінде сот шығындарын өндіру туралы талап қою арызы бойынша азаматтық іс қаралды.
Әйтеке би аудандық сотында Әйтеке би аудандық «Жаңалық Жаршысы» газетінің тілшісі Е.Әбдіраевтың қатысуымен брифинг өтті. Брифингте аудандық сот төрағасының міндетін атқарушы К.Т.Әбдіхалықов әкімшілік құқық бұзушылық бойынша Ресей Федерациясының азаматына қатысты әкімшілік іс қаралғанын айтты.
Қобда аудандық сотының бас маман А.Б.Даирова «Кәмелетке толмағандардың түнгі уақытта заңды өкілсіз болуы жауапкершілік» атты тақырыпқа Қобда көпсалалы көлледжінің студентерімен кездесу өткізді.
Іс шара барысында бас маман А.Б.Даирова кәмелетке толмағандардың түнгі уақытта заңды өкілсіз ойын-сауық мекемелерінде болуы жауапкершілік туралы мәселелер бойынша сұрақтарға тоқтап өтті.
Сондай-ақ осындай әрекет жасағаны үшін ата-аналарға қатысты әкімшілік жауапкершілік көзделгені туралы атап өтті.
Ақтөбе облысының кәмелетке толмағандардың істері жөніндегі мамандандырылған ауданаралық соты, Ақтөбе қаласы білім бөлімінің өкілі З.М.Жакыпованың, Ақтөбе қалалық прокуратурасының бөлім прокуроры Э.Ж.Коргулинаның, кәсіби медиатор А.Д.Казиеваның, Ақтөбе облыстық адвокаттар алқасының адвокаты А.К.Жумагалиевтың және Ақтөбе облысының үкіметтік емес ұйымдар қауымдастығының «Заңды тұлғалар бірлестігі» өкілі Л.Ж.Забихованың қатысуларымен «Гендерлік саясат» тақырыбында дөңгелек үстел өткізді.
Ырғыз аудандық сотында Б. қатысты Қазақстан Республикасы Әкімшілік құқық бұзушылық кодексінің 383-бабы 3-бөлігімен (әуесқойлық (спорттық) балық аулауды қоспағанда, тыйым салынған мерзімдерде, тыйым салынған құралдармен немесе тәсiлдермен, тыйым салынған жерлерде балық аулау қағидаларын, сондай-ақ балық ресурстарын және басқа да су жануарларын пайдаланудың басқа да түрлерiн жүзеге асыру қағидаларын қылмыстық жазаланатын іс-әрекет белгiлерi жоқ өрескел бұзу) жинақталған әкімшілік іс қаралды.
Ақтөбе облысының қылмыстық істер жөніндегі мамандандырылған ауданаралық соты қала тұрғындары үшін «Ашық есік күнін» ұйымдастырды.
Тұрғындарға құқықтық көмек көрсету, соттың ашықтығы мен қолжетімділігін арттыру, халықтың құқықтық мәдениетін көтеру мақсатында сотта ай сайын «Ашық есік күні» өткізіледі.
Кеңсе бас маманы А.Жиембаева сотқа келген азаматтарды арыз-шағымдардың үлгілерімен таныстырып, өз арыздарын «Сот кабинеті» ақпараттық сервисі арқылы электрондық тәртібімен құжаттарын сотқа тапсыра алатынын түсіндірді.
Ақтөбе облыстық соты